عيوب ومميزات حدائق العاصمة الادارية مدينة نور - حدائق العاصمة في 2023
معلش حد يفهمني ايه المميزات ؟!! او ايه العيوب ؟؟ في مشروع نور حدائق العاصمة الادارية
انا شايفة ان سعر الشقه ال 140 متر يعادل سعر فيلا في اماكن اخري و ٤ اضعاف المساحةفين المميزات ؟ يمكن في و انا مش شايفة حد " ينورني "
سلمي تسأل...
عيوب مدينة نور حدائق العاصمة الادارية المتوقعة
عبدالله محمد قال ...؟
انا هنا هاكتب حقائق من واقع خبرتي الشخصية كمالك و ساكن في مدينتي من ٦ سنين... اللي تحت ديه اسباب مخلياني دايما احذر الناس من طلعت مصطفي:
- طلعت مصطفي بيعمل مدن مفتوحة مش كومباوندات... يعني زيك زي اي حتة تانية في الشارع لكن فيها شوية جناين و شوية افراد امن ... ده ممكن يكون ميزة انه بيدخلك الخدمات لحد مكان سكنك ... بس للاسف العيوب كتير اوي اوي.
- اسعار الخدمات مبالغ فيها بشكل بشع لانه اسعار البيع و الايجار التجاري عنده جنوني ... فطبعا الحاجة اللي بجنيه بتتباع ب ٣
- المدينة بيتم صيانتها من فوائد وديعة الصيانة اللي بيدفعها الملاك ... يعني احنا اللي بندفع اضاءة و رصف و صيانة المدينة و الجناين و اماكن الفسح اللي الناس بتيجي من برة تدخلها و تتمتع بيها عادي علي حسابنا احنا.
طبعا ده بيخلي فروق الصيانة اللي بتيجي كل سنة ارقام خزعبلية - الاماكن السكنية مش مقفول عليها... يعني اي حد من برة يقدر يدخلك لحد باب شقتك ... و طبعا ده مزود جدا جدا عدم الاحساس بالامان حتي في وجود افراد امن علي عكس الكومباوندات المقفولة.
- هايديك شقق متشطبة اسوأ تشطيب ممكن ... اسوا مصنعيات و اردأ مستوي في كل حاجة ... و هايحاسبك عليها بالغالي جدا ... و المرة الوحيدة اللي نزل فيها شقق طوب احمر.. حرفيا طفحني الدم في التشطيب (تشطب من غير كهربا ولا مية و اتصرف انت) و طبعا الحاجة اللي ممكن تتعمل برة بجنيه برضه قي مدينتي بتتعمل ب ٣
- خدمة ما بعد البيع بيروقراطية مأساوية ... لو ليك حاجة عند الشركة هاتتذل حرفيا عشان تعملها (انا بقالي شهرين مش عارف اركب سلك الوميتال في الشقة).
- المرافق هو اللي بيتحكم فيها و في اسعارها...
مثلا الكهرباء:
بيعمل شركة تشتري الكهرباء من الحكومة و يبيعهالك... فأنت طبعا مجبر علي اسعاره... انا دفعت في عداد الكهرباء ١٠ الاف جنيه في عز ما كان تمنه في شركة الكهرباء بتاع الحكومة لا يتعدي ال ١٢٠٠ جنيه... و طبعا معندكش بديل.
في يوم صحيت من النوم لقيتهم بيركبوا علي العداد بتاعي اللي ملكي اللي دافع تمنه (من غير حتي استئذان) جهاز كده غريب ... و محدش عارف ده بتاع ايه ... بعد البحث الكتير وراه اكتشفت انه جهاز بيخلي الشركة تقدر تتحكم في العداد بتاعك عن بعد .. يعني يتحكم في استهلاكك و سعر الكيلووات.
الباص و الانتقالات في مدينتي
- الباشاوات في الشركة صحيوا في يوم قرروا يربطوا اشتراكات الباص بتاع المدينة بفلوس كهرباء السلم و المية... و لازم تدفع ١٥٠٠ جنيه تأمين مصاريف كهرباء و مية عشان يعملولك كارنيه اشتراك الباص.
- الباص بقي الاشتراك فيه اجباري للملاك... من غيره هاتتعامل كزائر و تدفع تذكرة اغلي حتي لو معاك اثبات سكن في مدينتي.
انا تعبت من الكتابة و لسه مكتبتش نص المشاكل و مجبتش سيرة المصيبة الكبيرة و هي مشكلة النادي....
ده غير انه مظبط اموره مع جهاز حماية المستهلك... و لو روحت اشتكيت هاترجع قفاك يأمر عيش 
اديني بقول عشان محدش يقولي مقولتش ليه...
مميزات مدينة نور حدائق العاصمة الادارية المتوقعة
حسام الجنزوري قال ..."
كلامى مش دفاع عن طلعت مصطفى بس الناس زعلانين من اسعار شقق نور ، اعتقد ان طريقة الحساب لسعر المتر خاطئة
- اولا ده سوق عرض وطلب اللى لازمه يشترى واللى مش لازمه ميشتريش.
- ثانيا احنا بنحسب سعر المتر 25 ألف جنيه، اعتقد ان السعر ده شامل تشطيب كامل للشقة يعنى تقريبا مًحمل ب حوالى 2500 جم تشطيب للمتر الواحد.
- ثالثا سعر الشقة محسوب على 15 سنة وليس سعر الكاش يعنى بحسبة بسيطة هو حاسب فايدة مركبة سنوية.
يعنى الشقة لو المتر ب 10 ألاف جنيه لو حسبنا فايدة 10 % سنويا يكون سعر المتر 25 ألف واعتقد ده سعر العائد السنوى عالقروض فى البنك..
اختلاف اراء الناس عن مشروع نور مدينة العاصمة ومشاريع طلعت مصطفي..
أكبر معرض عقاري أون لاين خاص بالعاصمة الإدارية
في معرض يوفن العقاري كشفنا لك علي أفضل العروض والخصومات علي الوحدات السكنية (شقق، فلل) والوحدات التجارية، الادارية، الطبية، ايضا كشفنا عن الفرص الاستثمارية العقارية، كل هذا في معرض يوفن العقاري الاون لاين [متجدد يومياً].
احمد قال . . ؟؟
محدش فاهم حاجة ولا فاهم الاسعار دية بتتحط على اساس اية ، كلة بيزنس وضحك على الناس وناس بتعمل مصالح .
وممكن يكون دة كله شو وخلاص لان مفيش حد عادى هيروح حتى يستثمر فى استوديو بالحجم دة والفلوس دية.
راى الخبراء . . . ؟
طلعت مصطفى يبيع متر الشقق فى مدينتي تقسيط 10 سنوات ما بين 30 و 42 الفا للمتر ( إجماليا بنهاية المدة ) بحسب نوعية المميزات و التشطيب ( و هذه هي أسعار تماثل 350 % تقريبا من أسعار 2013 ) .
هذا هو السعر الكاش الذي سيكون عليه المتر فعلا... لكن في منتصف العقد القادم !!
أي أن الذي يستكمل ثمن وحدته في مدة التقسيط 8 - 10 سنوات لن يعطيه السوق قرشا واحدا فوق ما دفعه بالفعل .
هذا يسمي Zero return investment !
أي أن الشركات العقارية الكبرى عملت حماية Hedging
أكثر من كافية لشركاتهم من التضخم بحيث استحوذت لنفسها على كامل الربح و لم يبق للمشتر أي فرصة استثمارية أو هامش ربح يذكر عند إعادة البيع الكاش بعد 7 - 10 سنوات من الآن .
العقار يتحول من وعاء إدخار إلى عقوبة مالية .
لذا فالشراء عند هذه الشركات المميزة هو لمن يحتاج بشدة للسكن ( دون وجود فرصة تأجير مناسب ) او يحتاج للإستخدام الفعلي و ليس للإستثمار .
السوق سوق مستأجرين و ليس ملاك لأن الإيجار السنوي هو أقل من 5 % من سعر الوحدة ( و الفائدة البنكية تصل ل 11 % )
لم يعد سوق العقار مجديا من الناحية الاستثمارية لأسباب كثيرة جدا .
الدولة من جهتها توقف تصاريح البناء في المحافظات و تتوسع في البناء في المجتمعات الجديدة دون أن تخلق هي أو القطاع الخاص ( الذي شهد أياما أفضل من هذه ) فرص عمل قريبة تبرر الإنتقال من الدلتا المزدحمة إلى الأطراف و مدن الصحراء .
و حينما تدخلت الدولة فالأسعار ارتفعت و لم تنخفض و حدث هناك نوع من الركود التضخمي في العقار Stagflation.
أسعار عالية لكن حركة التداول بطيئة و في مناطق عديدة راكدة تماما .
رسوم إعادة البيع 2.5 % من سعر الوحدة من المؤكد أن تدعم الخزانة بعدة مئات من الملايين لكن المحصلة الأخيرة هو خسارة مليارات من الإستثمارات نظرا لتقليل شهية تداول العقار و تركيز الأموال في القطاع البنكي ذي الفائدة الأعلى و المعفي تماما من الضريبة و الأفضل جدا هو تخفيضها إلى 1 % .
الفائدة في البنوك لبعض الأوعية الإدخارية ستظل مرتفعة لوقت أطول مما يظن البعض نظرا لإرتفاع سعر العائد على سندات الخزانة الأمريكية 10 سنوات و الضغوط على عملات كافة الأسواق الناشئة و زيادة أعباء الإقتراض بالدولار من السوق العالمية .
كون الناس ستهرع لشراء العقار لعمل Hedging
لأنفسهم ضد التضخم في ظل هذه التغييرات العميقة في السوق فهذا لن يحدث ، هذا صار جزءا من الماضي السعيد إلا في أعين المتفائلين بغير سند أو مبرر
محمد قال ؟؟
:
احمد سالم قال .."
فيه ناس فلوسها جايه بلاش فطبيعي تروح بلاش كلام حضرتك مضبوط لما شقه ٦٠م 1600000طيب ما أشترى فيلا فى مكان تانى أفضل طبعا ..؟
شادي طلعت قال ؟؟؟
بالعقل كده لان معظم اللي بيعلق مش عارف سعر المتر بيتحسب ازاي
زمان ..لما كان التقسيط علي ٣ او ٤ سنين وبتدفع ٤٠٪ مقدم كان سعر المتر رخيص لان مدة التقسيط قليله ودافع مقدم كبير وكان الناس معاها كاش
دلوقتي مفيش كاش .. ولازم يبيع .. فقلل المقدم .. وزود فترة التقسيط .. وكل سنة زيادة في التقسيط بيزود فوائدها علي سعر المتر
طلعت مصطفي نزل تقسيط علي ١٥ سنة فالشقة اللي سعرها ريسيل ١١ للمتر بقت ٢٥ للمتر والفرق هو الفوايد
نفس الشقة ال ٦٧ متر اللي بيبعها بمليون و ٨٠٠ علي ١٥ سنة
ممكن يبيعهالك ب ٨٠٠ الف جنية تقسيط اربع سنين ؟؟
سهي قالت ؟؟؟
وياريت الموقع حلو دا طلع مدينة بدر الي هي ارضها كانت بتعريفه ارخص الاراضي يعني هو واخد ارض ببلاش ومكان اصلا كله مصانع
ليه دار؟
دار هو مستشارك العقاري لأفضل استثمار حقيقي، في دار نجمع لك جميع الوحدات المتوفرة، ونقارن معك فيما بينها، من حيث الموقع والاسعار والعروض والخصومات المتوفرة ايضا مصداقية الشركة المطورة نفسها ومدي نجاحاتها السابقة،
دار ليس بـ بروكر، يوفن هو المستشار العقاري لأفضل أستثمار...
المقال السابق
مشاكل كمبوند اكاسيا
المقال التالي
مشاكل قرية لالونا السخنة
اترك تعليق للكاتب
.webp)
التعليقات
لا يوجد تعليقات حتي الان كن اول من يترك تعليق