لو معاك 500 ألف جنيه تشترى بهم دهب ولا عقارات؟

في هذه الكبسولة العقارية السريعة أوضح لك تفاصيل لو معاك 500 ألف جنيه تشترى بهم دهب والا عقارات ؟

لو معاك 500 ألف جنيه تشترى بهم دهب والا عقارات ؟؟

ف حوار تلفزيونى بقناة TEN  ببرنامج رأى عام  ف حوار بعنوان سوق الذهب والسيارات والعقارات واحوالها مع عمرو عبدالمجيد 

 وبسؤاله سيادة المستشار لو عندك 500 الف جنيه تروح تشتري بهم دهب ولا تحطهم مقدم لفيلا مثلا ولا شقة يعني ؟؟

رد قائلا انا قولا واحدا هشتري عقار.

الدهب ممكن يطلع ينزل

 الدهب يعني هتزين به او هركنه في الخزنة..

ولكن العقار أمان . يعني حتى من واحنا صغيرين كده يقوللك يعني دايما العقار امان. العقار عمره ما نزل  عمر ما تمن ارض نزل عمر ما تمن العقار عمره ما بينزل. ده بالاضافة ان العقار نفسه انت ممكن تستثمره يعني انت مثلا الحتة اللي قالها الباشمهندس اللي هي انتقاء حتة الانتقاء دي مهمة يعني ممكن تشتري مثلا محل تجاري.

 ده بيتأجر بارقام النهاردة بنسمع ارقام في الادارة. الحتة دي بلمسها في معارض السيارات

احنا عندنا انهارده ايجارات بال 200 و300 الف جنيه و 400 الف جنيه كايجارات 

اعتقد ان هو  امان وفي نفس الوقت استثمار وسعره بيزيد وهو ملكك. 

الشقة برضه ممكن تأجرها. الفيلا ممكن تأجرها. لكن كمان المحال التجارية ممكن تأجرها.

فاعتقد ان العقار اه يعني وجهة نظري يكون اه امان اكتر لو يعني حضرتك حاولت انك انت تختارالافضل من بين الوحدات العقارية الاكثر ايجارا وطلبا بالسوق المصرى 

كما اضاف المستشار العقارى ان  احنا عندنا في العقار في3 مصطلحات مهمة جدا. 

اول حاجة اسمها ال ROI العائد على الاستثمار وحاجة اسمها الROE العائد على الاستثمار مقابل الايكويتي المبلغ اللي انت دفعته وحاجة كمان اسمها   IRR اللي هي داخل فيه بقى كمان حسبة انت لو شاري حاجة وبتجيب لك عائد مش هي دي بس المكسب الوحيد.

 ده كمان داخل فيها حاجة اسمها اللي هو معدل الزيادة السنوية لقيمة العقار. داخل فيها مصروفات العقار . داخل فيها الضرايب اللي هتدفعها عالعقار وحسبة مبتتحسبش على سنة ولا اتنين دي بتتحسب على سبع سنين. 

انا النهاردة بكل بساطة ممكن اشتري النهاردة محل تمنه مثلا 5 مليون جنيه مثلا ويجيب لي عائد مثلا وانا بدي امثلة.فمثلا هيجبلى  500 الف جنيه في السنة.

ده معناه ان هو بيجيب لي عشرة في المية مثلا. ده اللى هو (IRR)

 طيب العقار ده لو انا بدفعه بالقسط اللي هو ب5 مليون ده. واستلمته وانا دافع 3 مليون جنيه. فانا النهاردة ال500 الف جنيه هيجولي عن 5 مليون والا 3 مليون؟. فجايبلي كم في المية.؟؟

طيب الحسبة التالتة وهو ممكن اشتري عقار بيجيب عائد في منطقة السعر فيها خلاص ما بقاش يعني ارتفاعاته ما بتبقاش بتزيد اوى فهاجي النهاردة بيجيب لي نسبة كويسة ك ROI 

بس لما اجي احسب حسبته بقى كمان اللي هي داخل فيها قيمة العقار نفسه تبقى اقل.

تعال اقول لك نسبة وتناسب سريعة كده.

عشان انتقي عقار بيجيب عائد دي بنسميها اللي هو العقار اللي بيجيب دخل  

لازم النسبة بتاعت ال ROI اللي هو العائد على الاستثمار لو هي مثلا 12 في المية فلازم ابص على ال IRR بتاعي اللي هو المعدل  الاستثمارى .

ده لازم يكون مثلا في حدود 17 او 18 في المية. 

لكن انا النهاردة لو الROI ده اللي هو العائد على الاستثمار ال12 في المية.  والRII ده طلع مثلا 14 في المية فده عقار غير جيد في الاستثمار.

 ده اللي انا بقولك اللي هو الشراء الانتقائي. 

ده محتاج انك تبقى برضه بتستعين بخبير يقدر يساعدك على الاستثمار بشكل جيد وصحيح .

في الختام...

يمكنك دائماً تصفح قسم كبسولة عقارية من يوفن دوت كوم، للإجابة علي اسئلتك العقارية سريعاً وبشكل موجز ومختصر!

أو يمكنك دائماً التواصل معنا للإجابة عن أستفسارتك بكل شفافية ومصداقية لأستثمار آمن...