أيه الفرق بين الاكواد الهندسية و الاكواد التشغيلية؟

في هذه الكبسولة العقارية السريعة أوضح لك تفاصيل أيه الفرق بين الاكواد الهندسية و الاكواد التشغيلية؟

أيه الفرق بين الاكواد الهندسية و الاكواد التشغيلية؟

(الاكواد الهندسية )

دي الاكواد المعتمدة في تصميم المبني زي أحمال المبنى ، احمال الزلازل ، احمال الرياح ،أرتفاعات الاسقف، المسافة بين الاعمدة ، التشطيبات الداخلية والخارجية ،عدد الأسانسيرات، عدد الحمامات، عدد الجراجات في المبني.

(الاكواد التشغيلية)

دي الاكواد اللي بتعتدمها الشركات و الفرانشيز العالمية في

اختيارات مقرات ليها سواء تجارية او إدارية.

أيه الفرق بين الكود و المعايير و المواصفات؟

الكود:

موجود لكل بلد وبيعرفك ايه المفروض تعمله لأي مبني

المعايير : بتقولك  أزاي  تنفذ الكود ده؟ 

يعني مثلا لو الكود بيقولك ان المبني لازم يكون فيها انظمة حريق 

المعايير بتقولك المفروض انظمة الحرائق دي يكون نوعها ايه؟ المسافة بينهم قد ايه؟ ارتفاعها قد ايه وهكذا

المواصفات : لكل مشروع او شركة ليها مواصفات

المهم انها تكون مش بتخالف الكود او المعايير دي

يعني ممكن الكود يقولك أستخدم اسلاك نحاس وانت مواصفاتك أنك تستخدم أسلاك ألمونيوم

و لسه الفترة اللي جاية هنتكلم أكتر علي الأكواد 

في الختام...

يمكنك دائماً تصفح قسم كبسولة عقارية من يوفن دوت كوم، للإجابة علي اسئلتك العقارية سريعاً وبشكل موجز ومختصر!