قضايا النصب العقاري

سؤال وقصة واقعية عن عدم ألتزام شركة عقارية بالتسليم طبقاً للعقد

من قضايا النصب العقاري نطرح قصة حصلت مع احد العملاء اللي اشتري عقار من احد الشركات العقارية وواجه مشكلة مع الشركة وهو سأل الناس ازاي يحل المشكلة دي مع الشركة نترككم مع التفاصيل المثيرة !

وكانت تعليقات الناس عن احد قضايا النصب العقاري الناس كالتالي

- نونا ومروان ردوا وقالوا " اه سهل جدا المحامي يبيعك للاسف "

-جيهان قالت "و الله العظيم زى اللى حصل لى فى تجربتى مع شركة الوعد بالضبط و برضه اشتروا المحامى."

- محمد كان رده "الموضوع مش تظبيط و لا محامي اتفق مع محامي لأن الشقة تم بناءها.. و في اختلاف في المساحة غير التأخير، لازم تحدد آهدافك الأول و تشوف الاهداف دي يجوز تطبيقها قانونا أم لا..
يعني التأخير بيكون له تعويض متفق عليه في العقد.. ده أقصى تعويض ممكن توصل ليه لو العقد متظبط.
انما اختلاف المساحات ده له نسبة.. طبعا لو في اتفاق في العقد على نسبة تحميل المساحة.
وعموما قانونا المساحة فيها خمسة في المائة تحت العجز و الزيادة.
رتب أفكارك و حدد هدفك و بلغ المحامي إنت عاوز توصل لأيه و اسأله ده هيتم إزاي بشكل واضح و هياخد وقت قد ايه و بلغه إنك مفيش في نيتك تفاوض.. و لا تبدأ بالشك.. لأن ده أقصر طريق لتغيير محامين كتير و عدم تحقيق أي نجاح و هتخسر في النهاية بسبب تغيير أكثر من راي و استراتيجية.. إنت طلبت من محاميك يروح الشركه و من الواضح إنك محددتش هدف أساسي هو يحاول يتفاوض عليه فبدات العروض من الجهة الأخرى."

احد طرق النصب العقاري

-شادي هو كمان كان رده شبه محمد "لازم تفرقي بين خيانة الأمانة يعني محامي يبعك وميحضرش جلسه اًو يمضي علي حاجه بالنيابه عنك وبين اتفاق ودي بانك تخدي فلوسك اللي قيمتها قلت النص قبل التعويم ..والمحامي بتاعك يطلع بعموله بيحصل ان محامين كتير يقنعوكي ان مصلحتك تخدي فلوسك اللي دفعتيها قبل التعويم".

-وأضاف شادي "لازم نفرق بين خيانه الأمانة اللي هي محامي بيبيع ضميرة علشان يخسر العميل القضية لمصلحة الشركة وبين الحلول الودية اًو الاتفاق الودي.
الاتفاق الودي محامي الشركة يلمح اًو يصرح لمحامي العميل يا عم خلصلنا الموضوع وأتعابك كذا وبتكون مبلغ كبير اًو نسبة ...ده موجود منه كتير مش وارد .. محامين الشركات العقارية كلهم شغالين كده .. وفي محامين معروفين بالاسم انهم بتوع كده.
هل ده محامي عنده ضمير؟.. لا لانه كل اللي هامة العمولة مش مصلحة العميل اللي وثق فيه."

-شريف جاب من الاخر "خدي فلوسك احسن التقاضي في مصر سينتهي بخسارة اكبر ليك ولن يعوضك".

-اسامة اتفق مع شريف ومع المحامي "المحامى وارد يكون عندة حق لأن القضية حتنتهى بالتعويض عن الفرق بين العقد و الواقع مش آكتر و سهلة خد راى ٢ محامين كمان".

-واتفق معاهم مصطفي كمان "بفرض ان تم التسليم وهى شركه عندها مشاكلها بعد التسليم لاتقل عن قبله . رد ما تم دفعه افيد وبعدين والله الشركات مش بتوزع فلوس بيبقى مجرد اتفاق قانونى بين محامى العميل ومحامى الشركه".

-المستشار القانوني رد وقال " مدة التقاضي و حصولك على حقك مش هتكون مرضية لك . خصوصا أنك كده هتفسر أي تأخير بان محاميك باعك".

-تامر رد وقال "في محامين شغلهم انه يكرهك في البلد والقضاء والعدالة ويقنعك انك لو مظلومة حقك مش راجع وفي الاخر يقولك بس يرضوا يرجعوا اللي دفعتيه ، وفي الاخر يطلعله عموله من الشركة اكتر من أتعاب القضية اللي كان حيمشي فيها معاكي."

-محمد كان له رأي مختلف " هما عارضين انكم تاخدوا الفلوس مش خوفا منك ولا من المحامي علشان عارفين الشقة المش عاجبة حضرتك بالرغم من ان المواصفات مش نفس المتفق عليها سعرها زاد الضعف وكدة كدة اما تروحوا تشتروا دلوقتي هتلقوا نسب التحميل والهادر عالية مثلا لو انتي شارية الشقة مساحتها 200م بمليون قبل التعويم النهاردة الشقة تسوي 2مليون فالشركة مستفيدة 100مرة انك ترجعي الشقة ويدولك فلوسك نصيحة بما اني في المجال اوعي تاخدي فلوس طبعا الشقة افضل 100000 مرة."

-وهندي اتفق مع محمد وقال " متخديش فلوسك سعر الشقة بعد التعويم يعوض اى فروق تانية المهم استلمى شقتك واللى اشترتيه من ٤ سنين لا يمكن تعرفى تشتريه النهاردة."

-ودا كان رد سناء اللي نصحت العميل وقالت " انزلي بنفسك يمكن الشقة تعجبك ...خدي مهندس ثقة من الاقارب او المعارف وقرري خسارة ترجعي الشقة إلا إذا كانت سيئة او المبني نفسه فيه مشاكل وممكن بعد الاستلام تبيعي براحتك ولو شاكة في المحامي وليس لك سابق تعاملات معه غيريه والغي التوكيل موضوع تغيير المساحة الصافي بيكون غير المكتوب ده متعارف عليه بنسبة معينة..."

-مانو راتفقت مع الرأي اللي بيقول الشقة افضل من الفلوس وقالت " يعني الشقه قبل التعويم مثلا كانت ب 300 او 400 الف حاليا اكيد بقت اكتر من مليون واكتر اخد فلوسي ازاي يعني!!
لا انا اقرف الشركه بقواضي وناخد منهم تعويض ونقعد ف الشقه ونبعها براحتنا بعد كده وبمكسب كمان لكن مش تقولولها خدي فلوسك م الشركه لو مش عارفه انها زادت اد تمنها مرتين او 3 عمرها م كانت هتقولها خدي فلوسك."

-واسامة كان له نفس الرأي "اكيد قيمة الوحدة الجاهزة للاستلام اكتر كتير من المدفوع فالمفروض تمشى فى إجراءات الاستلام عادى وتجهز الأوراق اللى تثبت عدم مطابقة المواصفات وتمشى فى سكة الشكاوى والتقاضى مع محامى تانى وتجنبي النصب العقاري".

-محمد وشيماء كمان كان لهم نفس الرأي وقالوا " اتمسكي بحقك واستلمي شقتك وبعد الاستلام اشتكي بعد ماتستحوذي علي الشقة اللي اكيد سعرها اتضاعف  والغي توكيل المحامي وشوفي حد محترم."

-وجمال هو كمان " استلمي الشقة واذا عجبتك جليها واذا ماعجبتكيش بعيها وانتي الكسبانة حكم التراضي ابرك من حكم القاضي".

-حسين قال " كبيزنس استلمي الشقة عادي جدا حتى لو مش عجباكي هي اكيد قيمتها اكتر من اللي دفعتيه فيها و بعد سنة من دلوقتي اعرضيها للبيع بسعر السوق بقى".

نصائح قانونية عند شراء عقار

• من الأشياء الهامة الأخرى التي يجب عليك اتباعها قبل توقيع العقد، أن تطلع على السجل التجاري الخاص بالشركة.
• وأن تطلع على الرُخصة الخاصة بالبناء، وفي حالة رفض إطلاعك على أي أوراق لا تقبل أن توقع على العقد.
• عند الرغبة في شراء وحدة سكنية، تأخذ الشركة مبلغ من العميل تحت مسمى مقدم حجز.
• ولكن الإيصال الخاص باستلام هذا المبلغ يتضمن بند أنه لا يتم استرداد هذا المبلغ أبدًا.
• ويجب أن تطلب من الشركة أن تقوم باسترداد مبلغ المقدم، في حالة وجود نزاع بينكما، وعدم شراء الوحدة السكنية.

اقرأ ايضا نصائح عند شراء شقة تمليك

النصب في بيع الشقق

الحالة السابقة هي احدى حالات النصب العقاري والاصعب منها ان يحدث ان يبيع الوكيل الشقة لاكثر من مشتري في الوقت نفسه كما جسده احد افلام السينما المصرية وللاسف يكون الواقع ماساة كبيرة للطرفين ،

هناك بعض الشركات العقارية، التي تحتوي فقط على واجهة خارجية مبهرة، ولكنها تقوم بالنصب على العديد من العملاء، ولعدم الوقوع في هذا الفخ، جمعنا لكم عدد من النصائح ، التي يمكنكم اتباعها حتى لا يتعرض أحدكم لعملية النصب في بيع الشقق ومن أهم هذه النصائح ما يلي:

• إذا كانت الوحدة السكنية تم بنائها بالفعل، لابد أن تتأكد من مستندات الملكية التي يملكها هذا المستثمر.
• حيث لابد أن يكون هو من يملك حق التصرف في الوحدة بصفته الأصلية، أو عن طريق توكيل يملكه، ولابد من التأكد أن هذا التوكيل ساري.
• في حالة شراء وحدة سكنية يملكها أكثر من شخص، مثل الميراث لابد من التأكد من موافقة جميع مالكي الوحدة السكنية، على بيعها عن طريق توكيل رسمي.

اعرف المزيد من خلال  نصائح عند شراء شقة تمليك

كيفية تجنب النصب العقاري

• في حالة شراء العقار من خلال شركة عقارية، لابد من الاطلاع أولًا على السجل التجاري الخاص بالشركة.
• قم بالاطلاع على جميع المستندات التي تخص هذا العقار.
• من الأفضل أن تكون الشقة موجودة بالفعل، لأنها إذا كانت لم يتم بناؤها، قد يتفاجأ العميل باختلاف في المساحة، أو التقسيم.
• لابد من الاطلاع على جميع الأوراق والمستندات، التي تخص الشقة، ولابد من عرضها على محامي ذا ثقة لمراجعتها.
• لابد أن يتم الاستعلام في الحي، عن هذه الوحدة السكنية، والتأكد من وجود الخدمات والمرافق.

اعرف المزيد من خلال شراء شقة تمليك بدون حصة في الأرض اضراره وتوابعه

قد تعلمت من خلال يوفن علي حالات قضايا النصب العقاري، للمزيد من الاستفسار يمكنك متابعتنا.