هل وقعت في فخ فايده ال18% ؟!

في هذه الكبسولة العقارية السريعة أوضح لك تفاصيل خبايا فايده ال18%.

هل وقعت في فخ فايده ال18%

من الاسباب القويه اللي تسببت في الازمات الاقتصاديه في مصر هو (التضخم المستورد ).

يعني ايه الكلام ده ؟

يعني المشكله مش في مصر بس انما المشكله نفسها من الدول المصدره للمنتجات سواء المنتجات الاوليه او الخامات اللي بتدخل في صناعات مختلفه او المنتجات النهائيه اللي بتيجي جاهزه ..

زي اي مثلا (زي النفط اللي كان سعر البرميل 77 دولار بقي ب136 دولار في اقل من شهرين واللي زود الازمه هو الحرب الروسيه الاوكرانيه والحظر الامريكي ع روسيا وفي المقابل روسيا اللي عملت حظر علي الصادرات والسلع والخامات زي الفحم والحديد والصلب والقمح والزيوت وغيرها.

ضيف كل ده علي ازمه الشاحنات اللي بتنقل البضايع عن طريق البحر من ايام كورونا وطبعا 95% من بضايع العالم بتتنقل عن طريق البحر وده كله زود الاسعار ع المستوي العالمي.

طيب يا افندم ايه علاقه كل ده بزياده الفايده وانه مش كويس للعملاء ?

التضخم في امريكا وصل لاعلي معدل ليه من 40 سنه وصل ل 10% 

من سنتين تقريبا كانت الفايده في امريكا صفر % بعدين بقت ربع% ثم ربع% ولسه في زيادات تانيه مما يعزز من قيمه الدولار والطلب عليه وده اللي عايزه البنك الفيدرالي الامريكي انه يلم الفلوس من الناس عشان يقلل من معدل التضخم شويه ..وطبعا ده ليه توابع سلبيه زي تكلفه الاقتراض وانخفاض معدل النمو والاستثمار.

نيجي للدول العربيه والخليج ??

لازم عشان تقلل الضغط علي عملتها وسوقها وعشان تحافظ ع المستثمرين انهم لازم يعلو الفايده لانهم رابطين عملتهم بالدولار ..عشان طبعا ميحصلش انهيار لعملتهم ..

من هنا بقي جت زياده سعر الفايده ل18% في البنوك المصريه?

بس ازاي تقيس مكسب الفايده اصلا ؟؟ انك تطرح معدل التضخم اللي وصل ل8.8 من الفايده 18%  هيطلع الفايده الحقيقه 9.2% والتضخم في زياده يعني فلوسك مش في امان زي منتا فاهم انما فلوسك بتتآكل مع الوقت واللي ممكن تشتريه النهارده ب جنيه بكره هيكون ب5 و7 و10 جنيه.

ف ال180.000 اللي هتاخدهم ع المليون هيكون قصادهم زياده ف السلع والمنتجات مع زياده التضخم فكده انتا خسرت غير لما تحطهم في العقار.